Biantara Basa Sunda

Assalamualikum wr.wb

(Do'a Pamuka)

Girang pangajen nu dipihormat, bapa ibu guru nu dipihormat, teu hilap rerencangan sadaya nu ku sim kuring dipihormat. Teu kendat-kendat hayu urang sami-sami muji syukur kanu maha agung, mumuja kanu maha kawasa , anu tos masihan ni’mat ka urang sadaya, dugi ka urang sdaya kana ieu waktos ieu pisan tiasa riung mungpulung, paamprok jonghok, patepang raray dina kaayaan sehat walafiat .mugia tepungna urang sadaya nambihan raketna tali silaturrahmi sumaduluran nu kenging ridho ti gusti nu maha suci.

            Rohmat sinareng salam mugia salamina tetep ngocor ngagolotor ka jungjunan panutan urang sadaya Habibana wanabiyana Muhammad SAW. http://elmaselviani.blogspot.com/ Teu kakantun ka kulawargina, sohabatna, tug dugi ka urang sadaya salaku umatna anu insyaallah tetep satia kalawan satuhu ka mantenna. Amin ya rabbal alamin..

            Girang pangajen miwal hadirin nu ku sim kuring dipihormat,

Wabil husus ka rengrengan panitia LKSAK, OSIS SMAN 2 Kuningan taun pangajaran 2010/2011. Sim kuring ngahaturkeun rebu nuhun nu teu aya wates wangenna, rehna panitia parantos lumuntur kalbu , jembar manah kanggo ngayakeun pasanggiri biantara basa sunda, tawis micinta kalawan mireueus kana basa sunda.

            Dina kasempatan ieu salaku patandang ka dua,bade ngiring jabung tumalapung, ilu biung ngiring manggung, patandang makalangan dina pasanggiri biantara bsasa sunda.

Judul anu bade dibantun ku sim kuring nyaeta :

“Perluna Basa Sunda diajarkeun disakola”.

Kunaon basa sunda teh perlu diajarkeun disakola ?

            Kahiji. Margi basa sunda teh basa daerah anu kedah di mumule ku urang sadaya salaku warga sunda. Kumargi di jaman ayeuna nu di sebat jaman modern, basa sunda nu sok di sebat basa indung teh, sok kaluli-luli, ka hihilapkeun, atanapi kalindih ku majuna jaman. Geuningan ayeuna mah seueur wargi urang anu ngabiasakeun putrana nyarios ku basa indonesia. Wireh nyarios ku basa indonesia teh gaduh anggepan langkung hebat, langklung modern. Nanging, sanaos nagara netepkeun basa indonesia jadi basa kanagaraan, basa sunda mah kudu tetep dijaga. Salah sahiji cara pikeun nanjeurkeun basa sunda nyaeta , basa sunda kedah diajarkeun disakola, dikenalkeun ka para rumaja nu bakal ngawarisan budaya daerah.

            Lamun ku urang di bandungan dina kahirupan sapopoe, katingalina para rumaja ayeuna seueur anu kirang wanoh kana basa sunda. Henteu sadaya rumaja di Jawa Barat ngagaduhan sikep sapertos kitu. Tapi hal ieu teh kedah janten kaprihatinan urang sadaya. Margi, saha deui anu bakal miara basa sunda upami sanes urang sadaya. Ulah nepi ka urang sunda teu wanoh kana basa sunda. Kacida teungteuingeunana upami hal eta karandapan ku urang sunda .

            Anu kadua. Ngagunakeun basa sunda anu leres teh kacida sesahna, margi dina basa sunda mah aya undak usukna.

Girang pangajen anu ku sim uring dipihormat

Kunaon geuning nganggo undak usuk basa ? anu dimaksad nyaeta pikeun silih hormatan, silih ajenan dina nyorang hirup kumbuh di lingkungan  masyarakat. Undak usuk ieu anu biasana janten alesan para rumaja hususna, urang sunda umumna kirang reueus kana basa sunda. http://elmaselviani.blogspot.com/ Saurna basa sunda teh hese dilarapkeun dina kahirupan sapopoe. Saurna basa sunda mah teu ngindung ka waktu, teu ngabapa ka jaman, sareng rea-rea alesan sejenna.

            Anu katilu, basa sunda di ajarkeun di sakola supados para siswa tiasa ngagunakeun basa sunda nu leres. Tiasa ngalarapkeun undak usukna, unggah ungguh anu luyu sareng tatakrama basa. Hormat ka batur, ka saluhureun sareng ka sahandapeun. Ieu teh sanes hartina basa sunda teu demokratis, tapi nunjukeun aje luhur tina basa sunda anu ngahargaan ka sasama. Ulah nepi ka undak usuk basa teh janen panghalang pikeun ngagunakeun basa sunda dina kahirupan sapopoe.

            Girang pangajen miwah hadirin anu ku sim kuring di pihormat,

            Katilu alesan tadi, ngandung maksud malah mandar para siswa miwah urang sadaya salaku warga sunda, terang yen basa ka sastra sunda teh teu sagawayah di ucapkeun, tapi kudu di teang heula elmuna nu ngaliwatan widang atikan atanapi didikan di sakola. Ieu teh hiji tawis netelakeun supados basa sunda katut sastrana nanjeur komarana, nanjung umurna, kamashur ka un ggal lembur , ka koncara sa nusantara, sok komo ka mancanagara.

Girang pangajen miwah hadirin nu dipihormat,
http://elmaselviani.blogspot.com/

Sakitu pedaran anu tiasa kahatur . sok sanaos kaayaana masih tarahal , kirang undak usukna atanapi kirang entep seureuhna. Ieu mah etang-etang diajar malar lancar. Mugia nu didugikeun ku sim kuring tiasa mangpaat.

Saninten buah saninten

Ayana di parapatan

Hapunten abdi haputen

Bilih aya kalepatan

Gunung luhur gunung luhur

Karangsari kaliwatan

Amit mundur, amit mungkur

Sim kuring neda pamitan

Wabillahi taufik walhidayah, wassalamualikum wr wb

Tak bosen - bosennya saya ingetin, jangan copast tanpa mencantumkan sumber yaa >>
http://elmaselviani.blogspot.com/

Semoga bermanfaat.

Mugia tiasa mangpaat, boh kanggo tugas atanapi referensi, jsb.